|
Både Herøy og Sande får ny forsyning med vaksine innan utgangen av veke 47 (innan 22.11.09). Så snart vaksina er komen, startar begge kommunene tilbod om massevaksinasjon. Sidan vi ikkje får vaksine til alle på ein gong, følgjer vi den prioriteringsrekkefølgje som sentrale helsemyndigheiter har gitt.
|
1.Nærfamilie til barn under 6 mnd. Dato for påmelding og vaksinering vert utlyst i lokalavisa og på kommunene sine nettsider.
2.Barn og unge frå 6 mnd til 18 år der vi startar med dei yngste og går oppover i alderstrinna. Disse vaksinasjonane vert gjennomført i barnehagen, på skulen og i vårt vaksinasjonslokale. Når vaksinasjonstidspunkt er fastsett, vert det sendt ut informasjonsbrev og vaksinasjonskort til kvart einskild barn si familie gjennom barnehagen og skulen. For dei barn som ikkje er i barnehagen, vert det lyst ut vaksinasjonsdag i lokalavisa og på kommunen si nettside. Det praktiske opplegget i Herøy og Sande kan vere litt forskjellig, så følg med i lokalavisa og på kommunen si nettside.
3.Vaksinasjon er eit tilbod. Vaksinasjon av barn krev samtykke frå foreldre med underskrift. Det vert gjort på vaksinasjonskortet som kvar einskild får.
4.Vaksina kostar kr. 50,-
Svar på nokre vanlege spørsmål:
1.Dei som har hatt dokumentert (positiv prøve) svineinfluensa, treng ikkje ta vaksine.
2.Dei som har hatt influensa, men ikkje veit om det var svineinfluensa, vert tilrådd å ta vaksine.
3.Dei som har visse typar allergiar, må svare på skjema før vaksinering.Dei som har febersjukdom på vaksinasjonstidspunktet, skal utsette vaksinasjon til dei er friske.
4.Dei som brukar Tamiflu som forebyggande medisin kan ta vaksine.
5.Ved andre spørsmål ta kontakt med fastlegen.
6.Born under ti år bør få ei vaksinedose til tidlegast tre veker etter første dose. Det vert kunngjort særskildt når slik vaksinasjon vert gjennomført.
7.Tilbod om vaksinasjon vert gitt både for å hindre at den einskilde vert sjuk og for å bremse smittespreiinga i befolkinga.
Følg med i lokalavisa og på kommunen si nettside www.heroy.kommune.no og www.sande-mr.kommune.no
Alle barnehageborn og skuleborn får med brev heim når tidspunkt for vaksinasjon er fastsett. Alle born som ikkje er i barnehage, får tilbod om vaksinasjon gjennom lokalvisa og kommune si nettside.
Fleire opplysingar finn du på www.pandemi.no.
Kommuneoverlegen.
|
|
<<< Tilbake
|
|
