VAKSINASJON MOT NY INFLUENSA A(H1N1) TIL ALLE. |
No får alle personar i Sande får tilbod om vaksinasjon mot influensa A (H1N1).
PÅMELDING TIL VAKSINE
SANDE: Telefon 70026702, e-post: sande.kommune@sande-mr.kommune.no
Stad for vaksinering:
Sjøkanten, Larsnes
|
Herøy og Sande får ny forsyning av influensavaksine i løpet av denne veka. Herøy får 1000 nye doser og Sande 500 doser. Tilbodet om vaksine går til alle innbyggjarane i Herøy og Sande uansett aldersgruppe.
I Herøy er neste vaksinasjonsdag Tirsdag 15.12.09 og i Sande tirsdag 15.12 og onsdag 16.12.09. Det er ikkje fastsett fleire vaksinasjonsdagar før jul enno, så eg vil oppmode alle som ønskjer vaksine å melde seg no slik at dei er vaksinert til jul, seier kommuneoverlegen.
Herøy og Sande har til no hatt god oppslutning om vaksinasjonen, og i begge kommunene er omlag 40% av befolkinga vaksinerte til no.
Vi har særs god oppslutning om vaksinasjonen i dei yngre aldersgruppene, noko som er særs viktig både for å avgrense smittespreiing og for å hindre at alvorleg sjukdom oppstår.
Eg er likevel litt uroleg for at oppslutninga om vaksinasjonen i aldersgruppa 17 – 25 år er for dårleg, og at vi ved neste influensabølgje vil kunne sjå fleire sjuke i denne aldersgruppa. Det eg fryktar mest er alvorleg sjukdom hjå yngre menneske, seier ein litt bekymra kommuneoverlege.
Siste rapportane frå sentrale helsemyndigheiter viser at vaksina er effektiv allereide etter ei veke , og gir godt vern tidlegare enn ein kunne håpe på.
Vaksine vert gitt både for å verne den einskilde person, for å redusere sjukdom og framfor alt å redusere risiko for alvorleg sjukdom som følgje av svineinfluensa.
Høg vaksinasjonsdekning i ei befolking kan i tillegg avgrense pandemien og dermed kanskje hindre at vi får neste bølgje som vi forventar i løpet av vinteren.
Alle som ønskjer vaksine, kan no melde seg til servicekontoret i kommunen.
Kommuneoverlegen.
|
|
<<< Tilbake
|
|
