VAKSINE MOT SVINEINFLUENSA HINDRAR ALVORLEG SJUKDOM! |
Vaksinasjon mot svineinfluensa er beste og viktigaste tiltaket for å unngå sjukdom, både influensa og meir alvorlge komplikasjonar, seier kommuneoverlege Bjørn Martin Aasen, i ein kommentar til den gode oppslutninga som vaksineringa har fått både i Herøy og Sande.
|
I Herøy er det pr 09.12.09 er det nesten 4.000 vaksinerte personar, og nye 1000 får tilbod neste veke. I Sande er det no vaksinert meir enn 1.000 personar, og 500 nye får tilbod neste veke.
Vaksinetilbodet gjeld no alle innbyggjarane i kommunene.
I tillegg oppmodar kommuneoverlegen at alle barn i risikogruppe under 10 år og vaksne som brukar cellegift eller har alvorleg immunsviktsjukdom (kreftpasientar under behandling, nyretransplanterte osv.) om å melde seg for vaksinedose nummer.
Både i Herøy og Sande har ein no starta planlegginga av vaksinedose nummer to til alle barn under ti år. Dette tilbodet vil ein starte med tidleg i januar, og kunngjere gjennom skular og barnehagar og i lokalavisa så snart planane er ferdig utarbeidde.
Det er særs viktig at ungdom i vaksen alder, altså aldersgruppene 15 – 25 år let seg vaksinere no før jul, seier kommuneoverlegen. Det er denne gruppa som er utsett for den største risikoen både for å få influensa, og for å få alvorleg sjukdom som følgje av influensa, seier kommuneoverlegen.
Vaksina er trygg, den er velprøvd og er produsert etter same metode som den vanlege influensavaksina som er nytta i mange år. Det er ikkje påvist seinverknadar av vaksina, og biverknadane er små. Vaksina inneheld drepte virusdelar, det vil sei at det ikkje er levande, aktivt virus i denne.
Ved at ungdomen let seg vaksinere er dei med på både i verne seg sjølv og sine vener, understrekar kommuneoverlegen.
Sjølv om vi no ser færre tilfeller av influensa veit vi at neste bølgje kjem slik den no gjer i ein del andre land. Den einaste måten å avgrense influensaen på er å la seg vaksinere, seier kommuneoverlegen til slutt.
|
|
<<< Tilbake
|
|
