| 13.09.2005 | Viste du dette om Sandesus ?
Sandesus er eit ikkje-kommersielt tiltak for ungdom i Sande kommune, der aldersgrensa er f.o.m. 8 klasse og oppover.
Sandesus er eit kostbart prosjekt og på enkelte aktivitetar må ha ein eigenandel for at arrangementet skal gå i balanse, men dei fleste aktivitetane er gratis å delta på.
Sandesus vert finansiert ved hjelp av eksterne midlar ein søkjer på og ikkje over kommunens ordinære budsjett. Arrangementet har (2003 og 2004) også fått støtte og hjelp frå næringslivet i Sande.
Sandesus består av ulike aktivitetar, som: gokart, bordtennis, biljard, airhockey, playstation, internettkafe, karaoke, konsertar, kiosk og konkurransar/turneringar. Formålet med arrangementet er å skape ein treffstad der ungdom kan møtast uformelt i eit trygt og rusfritt miljø.
Sandesus har ein open del der alle som ynskjer kan kome innom, helse på ungdomen og ta del i aktivitetane.
Sandesus organiserer skyss heim for ungdomen.
Sandesuslogoen er teikna av Ida Mykkeltveit Sandanger og tek utgangspunkt i linebøya i kommunevåpenet til Sande.
Sandesus søkjer å spele på lag med andre klubbar, lag og organisasjonar, (Adventura, ungdomsklubbar m.v.).
Sandesus har vaksne (foreldre) vakter til stades og både vårt interkommunale ungdomsteam og politiet er innom og helsar på.
Sandesus er kvart år blitt film og alle elevane ved ungdomsskulane får tilbod om å sjå filmen.
Sandesusfilmen er også vist for tilsette i helse- og sosialsektoren i fylket og Midt-Norsk kompetansesenter for rusfaget. I tillegg er klipp frå filmen vist for Sosial- og helsedirektoratet i høve vår (Hareid, Ulstein, Herøy og Sande kommunar) deltaking i ”Pilotprosjektet for lokalt rusførebyggande arbeid”.
Sandesus er blitt eit omgrep, både i og utanfor kommunen, og er i så måte med på å gi eit positivt omdømme, samtidig som det er med å skape identitet.
Sandesus har medverka til at Sande kommune vart kåra til ”Årets ungdomskommune i Møre og Romsdal 2004”.
|
|
