| 23.08.2006 | Snart klart for fjerde Sandesus
Hei og vel overstått sommarferie.
Så er sommaren på hell, skulane har starta og på ungdomsfronten planlegg vi no Sandesus, og det for fjerde gong.
Ungdomsrådet har hatt sitt første møte (etter ferien) og arbeidet med å planlegge Sandesus er godt i gong.
Det er berre å setje av dagane 15. og 16. september, først som sist. Årets arrangement vert stort sett i same stil som før, men litt fornying kan vi då skilte med.
Det blir konsert begge dagane (om kvelden), elles vert det gokart, paintball og andre aktivitetar - slik som før. I tillegg vert det workshop (skule/opplæring) med oppvisning i både skateboard og streetdance, der instruktørane er proffesjonelle utøvarar.
Dette kjem vi tilbake til etter kvart, så følg med i både lokalpressa og her på nettsidene våre.
|
|
