|
|
| Flytte til Sande |
| Flytte til Sande |
 |
| 10.11.2006 | Utanfor allfarveg - heldigvis!
Det meste kan du finne lokalt i kommunen, her har vi nærbutikk, frisør og bensinstasjon, utestader, kyrkjer og offentlege tenester. Og kommunen har eit særs rikt kulturliv med kor, korps, idrettslag, sogelag og foreningar av ulikt slag. Ønskjer ein andre tilbod, så finst dette mindre enn ein halv times køyretur bort frå kommunesenteret – og heller ikkje resten av verda er så langt borte når ein tenkjer over det.
Ein kan slik gjerne seie at om Sande ligg utanfor allfarveg, så kan vi nå det meste på kort tid.
Sande kommune ligg like nord for Stadt og kommunen har i underkant av 2600 innbyggarar, spreidde omkring på fem øyar ut mot havet. Kommunen har ungdomsskular på dei tre største øyane, fem barneskular og like mange barnehagar, altså berre i 5 minutts avstand frå der vi bur! Vi har eit allsidig næringsliv i kommunen; landbruk og fiske er dei tradisjonelle næringane, skipsindustri og maritim produksjon står sterkt, medan det har vore satsa sterkt på turisme dei siste åra. Kva med ein opplevelsesferie for familien på ei rorbu ved sjøkanten, eller ein eksklusiv søndagstur til ”katedralen” i Dollsteinhola?
Vi som er innbyggarar i Sande set pris på den flotte naturen vi har i kommunen vår, det gode oppvekstmiljøet vi kan tilby ungane våre og alle fritidsaktivitetane vi kan delta i. Men vi vil gjerne dele dette med deg, anten det er i form av eit besøk til kommunen vår, eller om du kan tenkje deg å busetje deg her. Vi treng fleire som vil bu ”glokalt” slik som oss:
Utanfor allfarveg – heldigvis!
Er du interessert i meir informasjon om kommunen, ser vi gjerne at du tek kontakt med oss!
|
|
|
| 22.01.2009 | Norskopplæring for vaksne innvandrarar i Sande kommune
Vaksenopplæringa (norskundervisning for innvandrarar) er lokalisert til
Kvamsøy oppvekstsenter, 6087 Kvamsøy
og Gursken oppvekstsenter, 6082 Gursken
Det vert starta opp grupper – etter behov og påmelding – i august og januar kvart år.
Frå 1.1.09 er følgjande undervisningsgrupper aktive:
GURSKEN OPPVEKSTSENTER – VAKSENOPPLÆRINGA
• Undervisning dagtid 5 – 9 timar fordelt på 2-3 dagar
• Kveldsundervisning – 2 Grupper - måndagar à 3 timar
Prisar: Eigenandel for dei utan rett - er p.t. kr. 75,- pr. time
Sjå elles: Integrerings- og mangfaldsdirektoratet: http://www.imdi.no
: Gursken oppvekstsenter: :http://pedit.no/gs/sande
Sande kommune - heimeside | |
|
|
| 21.05.2007 | Sandebrosjyren
Det gode liv i Sande handlar om Sande som bukommune, kor fint vi har det, kor nær vi er, og kor trygt og triveleg vi har det her. Brosjyren presenterer eit tenestetilbod som få kan matche, eit variert næringsliv, gode kommunikasjonar og eit rikt kulturliv.
| |
|
|
| 22.01.2007 | Vellukka deltaking på Skandinaviske dagar i Nederland
19. og 20. januar deltak Sande kommune på Skandinaviske dagar i Leusden i Nederland.
2800 personar var innom messa på laurdag. Nederlendarar med interesse for å etablere eit nytt liv i rolegare omgjevnadar i Noreg eller Sverige, møtte opp for å få meir kunnskap om kva ulike kommuner kan tilby dei av arbeidsplassar, bumiljø, fritidsaktivitetar,frisk luft og god plass.
Mange hadde bestemt seg for kva område ein ynskjer å flytte til, og er på leiting etter å finne passande jobbar.
Sande kommune hadde mange besøkjande som var interesserte i å høyre meir om vår kommune og vår arbeidsmarknad.
Les meir...
|
|
|
| 10.11.2006 | Rekrutteringsprosjektet
Sande kommune sitt rekrutteringsprosjekt har no starta for fullt. Placement Utvikling som er vår samarbeidspartnar er i full gang med å sluse potensielle nye innbyggjarar til kommunen vår. Om ikkje lenge vil vi sjå dei første konkrete resultata.
Les meir...
|
|
|
|
|
| Tidlegare artiklar: |
|
|
|
|
|
|
