I samarbeid med Ulstein, Herøy og Høgskulen i  Volda, har barnehagane i Sande hatt kickstart på utviklingsarbeidet «Rekomp», som ligg under Utdanningsdirektoratet. Satsinga i kommunene Ulstein, Herøy og Sande er læringsmiljø og kommunikasjon. I Sande vel ein å ha fokus på språk og språkutvikling for barn under skulealder.

Fagleg utvikling og møtepunkt er viktig for barnehagefolk for å nå måla i lovverk og rammeplan, og gode fagdagar gir inspirasjon til vidare arbeid med borna.

Gjerdsvika barnehage og Hauemarkja barnehage var samla  til ny læring på kapellet på Sandetun denne dagen. Dei andre barnehagane var på eigen arbeidsplass.