I Sande har ein jobba mykje med overgongen mellom barnehage og skule i fleire år, og for nokre år sidan hadde vi den fyrste Foreldreskulen som eit prøveprosjekt mellom Hauemarkja barnehage og Larsnes oppvekstsenter.
Det vart raskt utvida til å gjelde alle barnehagane og skulane, og i år hadde vi felles Foreldreskule for alle som har born som skal ta til på skule til hausten. Møte mellom foreldre frå alle bygder og øyar skapar fellesskap og samhald – som kjem borna til gode.
Margunn Rekdal - PPT
Sande kommune
Denne veka var det Margunn Rekdal -leiar på Sande PPT - som snakka med foreldra om korleis alle kan bidra til å skape eit inkluderande miljø der alle høyrer til. Foreldra snakka saman i grupper for å finne dei gode svara.
I slutten av mai er det helsesjukepleiar og fysioterapeut som vil snakke om kosthald, kropp, utviklinga til ein 6-åring, skjermbruk og andre viktige tema. I tillegg vil rektorane vere tilstades og sei litt om skulane i Sande.
Vi er glade for at vi har fått til desse viktige og gode møtepunkta mellom foreldre og hjelpetenestene – saman kan vi få til det meste.