Kulturprisen 2019 gjekk til Larsnes helselag - gratulerer!

Klikk for stort bilete larsnes.no   

  

 

 Kulturprisen for Sande i 2019 gjekk  til Larsnes helselag som over lang, lang tid har vore til glede for store og små, og har arbeidd for god helse og trivsel i nærmiljøet, og vart overrekt på Sandemessa på Larsnes søndag 24.november. 

Ordførar Olav Myklebust stod for overrekkinga. 

Kulturprisen er oppretta gjennom eit samarbeid mellom Sparebanken Møre - Larsnes, og Sande kommune. Prisen vert utdelt ein gong i året etter nøye vurdering av nominerte kandidatar. I vedtektene heiter det at kulturprisen kan delast ut til ein eller fleire einskildpersonar eller lag som høyrer heime i Sande kommune, og som har visst vedvarande evne og vilje til å yte aktiv kulturinnsats ut over det vanlege.

Larsnes helselag har gjennom  lang til arbeidd med ulike viktige saker .

  • støtte til Hellandheimen i 50-åra
  • støtte til Breidablik, trygdeheimen og Sandetun med bla.a. innkjøp av møblar og utstyr til velferdssenteret der
  • skapt kontakt og hygge for dei dei eldre med besøk og årlege julefestar på alders- og sjukeheimen
  • hjelp ved arrangement på Øya
  • arrangerer basarar med sjølvlaga gevinstar
  • organiserer og serverer lunsj på Larsnes skule
  • hjelper til på vaksinasjonsdagen kvar haust
  • strikkar lestar og gir til nyfødde i bygdene våra
  • medarrangør på trim «Vi over 60 – Sterk og stødig»
  • serverer kveldsmåltid til hornmusikklaget Varden ein kveld før 17. maifeiring
  • tilbyr hjelp ved servering i gravferder

 

Kandidaten støttar også med gåver og/ eller midlar til;

  • Hauemarkja barnehage
  • Larsnes kyrkje
  • Helsestasjonen
  • Volda sjukehus; Sonja Stol-aksjonen 2018 og Beintettheitsmaskin 2019
  • Muritunet
  • Badestranda
  • Innkjøp av stort bord til Gamle Drageskarvegen
  • Trim for eldre
  • Demensaksjonen, Hjarteaksjonen og Tv-aksjonen

Og utan hjelp frå kandidaten ville ein hatt vanskar med å gjennomføre ulike arrangement på Øya då ein har behov for ekstra hender når det er som mest hektisk.

Kulturprisen for 2019 går til ein verdig kandidat som i over hundre år har engasjert seg og arbeidd for helse- og trivsel i nærmiljøet.