Områdeplanen skal leggje til rette for framtidig utvikling av kommunesenteret. Planen skal utarbeidast som ei områderegulering i samsvar med plan- og bygningslova § 12-2. Forslagsstillar er Sande kommune. Plankonsulent er Norconsult AS.
Det kom inn mange innspel både i samband med varsel om oppstart samt i samband med folkemøtet som var på Breidablikk torsdag 21.mars. Det etterfølgande planarbeidet syner at det er behov for å utvide plangrensa for prosjektet, og Sande kommune varslar med dette utviding av planområdet. Sjå tilleggsområda i figuren på neste side.
Bakgrunnen for utviding er:
- Mot vest – å få med nødvendig areal for tursti til Hallevatnet.
- Mot nord – å få med areal for å avklare avkøyrsleløysing.
- Mot sør – å få med alt areal som skal inngå i framtidig bustadområde.
Merknader knytt til det utvida området sendast til Sande kommune, Rønnebergplassen 17, 6084 Larsnes eller postmottak@sande-mr.kommune.no innan 31.oktober 2019.
Du kan også skrive ditt høyringssvar her.
Prosessen vidare
Når planforslaget blir lagt ut på offentleg ettersyn vil det bli arrangert eit nytt folkemøte for å få innspel og meiningar, og det vil bli satt ein frist på minimum 6 veker for merknader knytt til planforslaget. Plankonsulenten og administrasjonen hos Sande kommune lagar ei oppsummering av alle innkomne merknader og svarer på merknadene i plandokumentet som kjem på offentleg ettersyn. Det vert ikkje gitt svar til kvar enkelt som sender inn merknad; vurderinga og svaret vil stå i plandokumenta, og merknadene vil i si fulle form ligge ved saka ved politisk handsaming.
Planen vert handsama først i planutvalet og blir deretter lagt fram for godkjenning i kommunestyret i Sande kommune. Kommunen sitt vedtak av reguleringsplanen kan klagast på til Kommunal- og moderniseringsdepartementet i medhald av PBL § 12‐12. Avgjersleretten i klagesaker er delegert til Fylkesmannen.