Meirinntekter på skatteinngang, god fondsavkastning og god finansieringsordning for koronarelaterte utgifter gjer at vi er ute av dette registeret.

Kommunedirektøren la fram årsrapport 2021 og årsrekneskap 2021 for politisk godkjenning i kommunestyremøte 21. juni. Årsrekneskapen vart godkjent og viser eit netto driftsresultat på 1,9 % av brutto driftsinntekter i 2021.

Tidlegare års meirforbruk med 3 434 000,- kroner er nedbetalt. I tillegg blir årsresultatet på kr 4 864 000,- kroner avsett til disposisjonsfond. 

Du kan lese både årsrekneskap og årsrapport her. 

Om ROBEK

ROBEK-registeret er eit register over kommunar og fylkeskommunar som er i økonomisk ubalanse eller som ikkje har vedtatt økonomiplan, årsbudsjett eller årsrekneskap innanfor dei fristane som gjeld.

Kommunar og fylkeskommunar i ROBEK skal lage ein tiltaksplan som sikrar at økonomien kjem i balanse.