Kva er kjernejournal?
Kjernejournal er ei delingsplattform for viktig helseinformasjon. Kjernejournal er ei enkel og sikker samhandlingsløysing for helse- og omsorgssektoren som gir rask tilgang til vesentlege helseopplysningar. Storparten av innhaldet i pasienten sin kjernejournal kjem frå offentlege register. Det kan vere Folkeregisteret, Fastlegeregisteret, Reseptformidlar, Norsk Pasientregister og Difi- kontaktregister.
Informasjon du finn der er til dømes kven er din fastlege, helsekontakt, pårørande, kritisk informasjon og ulike legemiddel.
Kven har tilgong?
Alle innbyggarar i Norge har fått tildelt kjernejournal. Den er innført i alle sjukehus, hos legevakter og hos dei fleste fastlegar. For enkelte pasientar er det fylt ut kritisk informasjon. Innbyggar kan sjølv registrere eigne opplysningar om næraste pårørande og viktige kontaktpersonar i helsetenesta. Innbyggar kan avgrense eller sperre delar av kjernejournalen og sjå logg på kven som har gjort oppslag. Kjernejournalen har tilgjengeleg 3 års historikk på utleverte legemidlar.
Du - og autorisert helsepersonell - kan gjere oppslag i kjernejournalen ved behov. Det er gjennom fagsystemet Gerica at helsepersonell kan søke i kjernejournalane. Det er berre autorisert helsepersonell som sjukepleiar, vernepleiar, psykolog og lege som kan gjere oppslag i kjernejournalen. Det er obligatorisk opplæring.
Utfyllande informasjon er å finne på Norsk Helsenett sine sider samt på Helsenorge.no