Hamarøymodellen
inneber at Sande kommune inngår leigeavtalar om langtidsleige (10 + 10 år) av leilegheiter og samtidig set modellen krav til minst like mange leiligheiter som utbyggar i tillegg skal ha ansvaret for. Ordninga vil då gi utbyggar tilskot og lånefinansiering gjennom Husbanken. www.husbanken.no
Sande kommune ynskjer ei kartlegging av om det er utbyggarar som har interesse av å bygge ut utleigehusvære i dei ulike bygdelaga i Sande kommune etter Husbanken si ordning «Hamarøymodellen».
Kven er målgruppa?
Ordninga er i utgangspunktet retta mot vanskelegstilte i bustadmarknaden. Desse kan delast inn i grupperingar med bebuarar som kjem gjennom NAV- systemet, bebuarar som kjem gjennom psykiatrien, eldre bebuarar som ynskjerå bu nær Sandetun og førstegangsetablerar.
Sande kommune v/ Teknisk sektor ynskjer ei kartlegging av aktuelle utbyggarar utifrå fylgjande modell :
- Kvamsøya (2 + 2) > kommunal langtidsleige av 2 stk leilegheiter med krav om 2 leilegheiter i tillegg
- Sandsøya (2 + 2) > kommunal langtidsleige av 2 stk leilegheiter med krav om 2 leilegheiter i tillegg
- Gjerdsvika (2 + 2) > kommunal langtidsleige av 2 stk leilegheiter med krav om 2 leilegheiter i tillegg
- Gursken (2 + 2) > kommunal langtidsleige av 2 stk leilegheiter med krav om 2 leilegheiter i tillegg
- Larsnes (6 + 2) > kommunal langtidsleige av 6 stk leilegheiter med krav om 2 leilegheiter i tillegg
Ta kontakt
Aktuelle utbyggarar må sjølv syte for å finne passande tomt til føremålet. Sande kommune har tilgjengelege tomter i ein del av bygdelaga.
Aktuelle utbyggarar må melde si interesse til Teknisk sektor Sande kommune innan 15. mai.
Aktuelle områder og lokalisering må spesifiserast.
Leilegheitene skal være 3 roms leilegheiter (med 2 soverom).
Innmelding av interesse er å sjå på som prekvalifisering i det vidare arbeid med utbygging.
Teknisk sektor - Sande kommune