Leikekroken (storbarnsavdelinga) ved Haugelia barnehage jobbar dette barnehageåret med dei fire elementa (jord, eld, luft og vatn). Denne månaden jobbar dei med elementet vatn. Målet for denne månaden er å få kjennskap om elementet vatn og få erfaring med å samanlikne, og undre seg over likt og ulikt.
Dei har blant anna laga tankekart om vatn, målt nedbørsmengde, gjort ulike eksperiment og liknande.
Her var det mange ting å stusse i:
-Undring. Kva skjer med vatn når vi har det i frysaren?
-Kvifor vart det forskjelleg farge?
Vog hanskane med vatn i våt tilstand. Fraus dei. Tok dei opp etter ein dag i frysaren.
Mange ulike variantar som barna synest var veldig morosamt: nokre hadde kryssa fingra, nokre såg ut som froskar osv.
-Undra seg over om isen er tyngre enn vatten.
Vog på nytt. Resultat: like tungt. Spennande å lære om dette, sa guten på 5 år.
Arbeidet er ein del av opplegget som er skissert i årsplanen til Haugelia barnehage (PDF, 4 MB)
og ein del av realfagsatsinga til Sande kommune - denne gjeld både barnehage og skule.