Vi lyser ut ledige stillingar i barnehage og skule i Sande og håper å få dyktige og engasjerte søkjarar til stillingane.
I tillegg til undervisningsstillingar i skulen og ped.leiarstillingar i barnehage er det ledig følgjande stillingar:
Einingsleiar/ rektor på Larsnes oppvekstsenter
Frå 1.5.2019 er det ledig 100% fast stilling som einingsleiar/rektor ved Larsnes oppvekstsenter. Skulen ligg på Larsnes, som er kommunesenteret i Sande kommune, og er ein barneskule (1.-7.) med om lag 85 elevar. Eininga har grunnskule 1.-7. og SFO (1.-4.). Der er om lag 15 tilsette. Einingsleiar har økonomi-, personal- og fagansvar for heile eininga. Der ligg ikkje undervisningsplikt til stillinga. Dato for oppstart kan vere fleksibel fram til 1.8.18. Vi søkjer ein utviklingsorientert, kreativ, tydeleg og samlande leiar som evnar å få det beste ut av sine medarbeidarar og målrette arbeidet til beste for elevane. Søkjaren må ha erfaring frå grunnskule, og pedagogisk utdanning, gjerne også leiarutdanning/rektorutdanning og/eller leiarerfaring. Vi legg vekt på haldningar, evne til samarbeid internt og eksternt, og det å vere motiverande, utviklingsorientert, resultatorientert og handlekraftig. Vi kan tilby ein spennande og utfordrande jobb i eit kreativt og utviklande miljø gjennomsyra av kvalitetstenking.
Ledig stilling i PPT for Sande og Vanylven.
PPT har hovudkontor på Larsnes, og avd.kontor på Fiskå. Kommunane har lagt godt til rette for ei funksjonell PP-teneste. Sande kommune er vertskommune for tenesta. Frå 1. mai eller så snart det let seg gjere, er det ledig 80% stilling (fast) som PP-rådgjevar ved PP-kontoret for Sande og Vanylven (med eit visst atterhald om organisatoriske endringar).
Du finn meir om dei ledige stillingane her.