| 05.03.2010 | Marine Harvest Norway AS - Søknad om løyve til endring - Lokalitet Voldnes - Offentleg ettersyn
Det ligg føre søknad frå Marine Harvest Norway AS om løyve til endring av anleggsplassering og - utforming av flytande anlegg for oppdrett av matfisk av laks, aure og regnbogeaure i sjø på lokaliteten Voldnes i Herøy og Sande kommunar.
Søknaden blir lagt ut til offentleg ettersyn i tida 05.03.2010 - 05.04.2010 på Servicekontoret, Sande Rådhus, Larsnes.
Eventuelle merknader skal vere skriftlege og dei skal vere innkomne til Sande kommune, 6084 Larsnes innan 07.04.2010.
Les meir...
|
|
|
| 05.03.2010 | Innstilt som rådmann i Sande kommune
Innstillingsutvalet, som består av formannskapet og hovedtillitsvald, har samrøystes tilrådd at Synnøve Vasstrand Synnes vert tilsett som ny rådmann i Sande.
Tilsetjinga skal handsamast i formannskap og kommunestyre i løpet av mars.
Synnøve Vasstrand Synnes er 39 år og busett i Ørskog. Ho er gift og har tre born. Ho er utdanna jurist (cand.jur) frå Universitetet i Bergen i 1995. Etter å ha arbeidd som førsteskonsulent i Ålesund kommune etter endt utdanning, tok ho til i Skodje kommune i 2001, der ho no er assisterande rådmann.
|
|
|
| 04.03.2010 | Oppmoding til alle hundeeigarar
I samband med at vi no har hatt snø og kulde ein lengre periode enn vanleg, vil Naturforvaltningsnemnda oppmode alle hundeeigarar om å vere ekstra påpasselege. Det er knappe tider for mange viltartar og fuglar og ein må unngå meir uroing enn naudsynt. Tenk også på geitene på Sandsøya og flokkane med utegangarsauer rundt om i kommunen.
Naturforvaltningsnemnda vil derfor minne om reglane i Hundeloven
§ 4. "Alminnelige regler om sikring av hund. Vilkår for å la hund være løs" der det står at ”Hunder kan være løse bare når de a) blir fulgt og kontrollert på aktsom måte, eller b) er forsvarlig inngjerdet på et sted som ikke er åpent for allmenn ferdsel.” Det står også at ”Hunder skal alltid holdes under slikt tilsyn at de så vidt mulig hindres i å drive eller forfølge vilt”.
|
|
|
| 24.02.2010 | Ungdomsmidlar
Ungdomspanelet deler ut midler til prosjekt som stimulerer til ungdomsengasjement som elles ikkje får støtte. Les meir på UNG.web.no. Søknadsfrist 01.april.
|
|
|
| 23.02.2010 | Stian Endresen tilbake frå 1.mars
Sande Helseavdeling har god kontinuitet når Stian Endresen no kjem attende etter eit år i sjukehusteneste. Jan Magne Remøy vert no i militære ut året. Vi er godt nøgde med at Stian kom tilbake til Sande. Vi vil og takke Jan Magne for god innsats i året som har gått - og ønskje velkomen tilbake når han er ferdig i kongens klær.
|
|
|
| 22.02.2010 | Godt resultat for 2009
Den økonomisk oversikt over drifta for Sande kommune for 2009 viser eit netto driftsoverskot på kr 10.209.207,- som då vert 5,86% av brutto driftsinntekter.
Etter pliktige fondsavsetningar og budsjetterte overføringar til investeringsrekneskapen, samt vedteke dekning av tidl.års driftsunderskot kjem vi såleis ut med eit sluttresultat på kr 3.915.854,- (overskot)
Dette er ureviderte tal og såleis førebelse.
|
|
|
| 11.02.2010 | Ledig landbruksvikar.
Jan Pål Fugledal er landbruksvikar i Herøy. Hareid,Ulstein og Sande .
Det er fortida lite oppdrag til han.
For at vi skal kunne ha den beredskapen vi treng når det gjeld sjukdom hjå gardbrukarane, er vi avhengig av at han også har ei viss mengde oppdrag også utanom sjukdomsavløysing.
Landbruk Nordvest tilbyr deg som gardbrukar at du kan leige han for kr. 1.200,- + moms og inkludert kjøring. Dette er prisen pr. dag.
For meir informasjon kan du ta kontakt med Gunn-Eli på tlf. 45866930 eller Morten Feiring på telf. 46432050. Hugs at det er viktig at vi har ein landbruksvikar som står klar om du som gardbrukar vert sjuk.
Du er ikkje nøydd til å vere medlem i Landbruk Nordvest for å leige vikaren.
Dersom du vil leige han nokre dagar ta kontakt snarast og helst innan 19.02.2010.
|
|
|
| 09.02.2010 | Svineinfluensavaksine
12.mars er det avsett tid til vaksinering på helsestasjonen. Dei som ynskjer å vaksinere seg mot svineinfluensa, kan betillle time for vaksinering på tlf 70026750 (doktorkontoret)
|
|
|
| 08.02.2010 | Hovudopptak barnehage - søknadsfrist 01.03.2010
Treng du barnehageplass til hausten, er det no tid for å søkje. Opptaket vert gjort i samsvar med vedtektene for dei kommunale barnehagane og barnehagelova
Les meir...
|
|
|
| 04.02.2010 | Markering av rekordlavt sjukefråver i pleie-og omsorg.
I siste kvartal 2009 var det rekordlavt sjukefråver i pleie-og omsorg. Dette vart feira med kake og kaffi i alle einingane i går. Kjøkkenet på Sandetun låg lavast med o % :-) , heimetenesta 3,8, sjukeheimen 4,6 og butenesta 4,8. Pleie-og omsorg har lenge sett fokus på forebygging,oppfølging og tilrettelegging i forbindelse med sjukefråver. Dette arbeidet ser vi no resultat av og det motiverer oss i arbeidet vidare.
|
|
|
