Primærgruppe/nærgruppe består av personar som har eit ekstra ansvar for pasient/brukar. Gruppa er samansett av fagfolk for å gje eit heilskapleg tilbod utifrå gjeldande vedtak.
Kva er målet?
Primærgruppa skal bidra til ein kvardag prega av tryggleik og kontinuitet for pasient/ brukar og pårørande.
Primærgruppa har ansvar for:
- Delta på velkomstsamtale.
- Sjukepleiar/ vernepleiar skal sørge for legemiddelgjennomgang.
- Kommunisere med pårørande ved behov.
- Ekstra ansvar for å planlegge, fylgje opp og evaluere tilbodet til pasient/ brukar.
- Sørge for at tiltaksplan, brukarstatus, ernæringsstatus, IPLOS (PDF, 735 kB) og ADL * er oppdatert. Dette er informasjon som vert lagra i elektronisk pasientjournal og som er viktig for at personalet skal kunne gi god dagleg oppfølging. Brukast også i kommunikasjon med lege og sjukehus.
- I samarbeid med pasient og pårørande sørge for at rom/ leilegheit er praktisk tilrettelagt for pasient og personale. Kommunisere med pårørande ved mangel/ overskot av kle, utstyr, hygieneartiklar osv.
- Kommunisere med ergoterapeut om hjelpemiddel. I omsorgsbustadar er det pasienten sjølv eller pårørande som tek kontakt med ergoterapeuten.
- Aktivitetar. Sørge for at pasient får informasjon om dei aktivitetane som er tilgjengelege i regi av kommunen.
*ADL-vurdering gir informasjon om aktivitetar i dagleglivet, kroppsfunksjonar og nokre kognitive funksjonar om personen sine ressursar og funksjon på registreringstidspunktet, og grad av behov for bistand og hjelp.
Publisert av Elin Rokstad
Publisert 05.11.2019 14:06
Sist endra 20.03.2024 13:36