Viktig info om Korona-viruset CDC, Alissa Eckert Det er naturleg nok litt uro rundt det ein no høyrer om det såkalla Korona-viruset. Det er ikkje registrert noko tilfelle i vår kommune eller i nabokommunar- eller Møre og Romsdal fylke. Pandemiplan- smittevernplan Sande kommune har ein oppdatert pandemiplan som blir sett iverk dersom det vert behov for dette. Beredskapen i kommunen er oppdatert på utvikling i fylket og i Norge. God handhygiene er det viktige rådet som gjeld alle. Helsepersonell I tillegg har Folkehelseinstituttet kome med følgjande pålegg til helsepersonell og andre som har nærkontakt med pasientar. Helsepersonell som har vore i eit område med utbreidd smitte av covid-19 ( Korona-viruset) skal som hovedregel vere heime frå jobb i 14 dager etter heimkomst, og elles følge råda som blir gitt. Mistanke Om personar har vore i dei område som har hatt utbrot av dette viruset dei siste to vekene skal desse ta kontakt med sin arbeidsgivar for å informere om dette. Skulle du ha mistanke om at du er smitta skal du ringe legekontoret på 70026750 på dagtid eller legevakta 116 117 .Her gjer du avtale med helsepersonell om og korleis ei evt prøve skal takast. Du skal som det er sagt i media IKKJE møte opp på legekontor for å få meir informasjon eller be om prøvetaking. Når det gjeld dei andre familiemedlemmane viser vi til råd ved karantene frå folkehelseintituttet. Her kan du lese meir om Koronaviruset Her kan du laste ned Plakat til reisande på norsk, engelsk og kinesisk Informasjonsark retta mot dei som i jobben kjem i kontakt med turistar og folk som kjem til landet Generell smittevernplakat om vanar som førebygg smitte, som kan nyttast i skular, barnehagar med meir. Publisert av Elin Rokstad Publisert 02.03.2020 14:53 Sist endra 06.03.2020 15:11